ان كنتى ملهمتى ........

ياسيدتى ...
انا كهل فى الهوا
ارتشف الحب من ثدى السماء
وانتقى الشعر من شفاه النساء
ان ظننتى  يوما انك ملهمتى ....
فانا اكتب الشعر ... من قبل الغزاه
فارحلى ان شئتى ... ام ابيتى
فأنا فارس لا يخاف الرماه
فجوادى يهرول نحو السماء
فحاذرى ...ان بارزتينى الحب ...
فانا فارس لا يقبل الا الحياه
فكونى اميرة دربى ....
وان ابيتى .....
فابحثى عن فارس ...
لا يعشق النساء .....

عطا  الاسيوطى

مش باقى ليكى ........

مش باقى ليكى ..........



مش باقى ليكى غير حبة ذكريات


خايف لأقوم الصبح انساهم ...


وانسى كمان سنين عمرى اللى فات


مش باقى من صورتك الا ابتسامات


شفتها زمان وهى بتصبح بدون اهات


مش باقى غير نظرة عيون دبلانه


شايف فيهم بسمة امل ويا اهات


وحركه بطيئه فى الطريق ماشيه


وتهتهه بالكلمات ......


مش باقى فى عمرى قد اللى فات


خايف الاهات تسرقهم


واقوم القانى ذكريات


شاخت شمس النهار منى


تاهت سنينى فى غربتى عنى


مش باقى من حروف اسمى


الا حروف مكتوبه بلون دمى


مش حاسس بطعم الهوى


ولا بعطرك اللى كان فواح


أأقول بكره يمكن يجمعنا


فى سكات


خايف أأقول الأه تفضحنى


دموع عينى وترمينى للذكريات


دى الغربه صعبه على قلبى


بس دى مش غربة المسافات


غربتى فى وسط اهلى ....


ومش بسمع جوايا الا صوت انات


مش باقى جوايا الا السكات


يمكن فى يوم أأقدر اتكلم بدون اهات


مش باقى فيا غير شويه حب بحنيه


عايز اخليهم لابنى او بنتى واداريهم


فى قلبى وعينيه


مش باقى ياغربه الا الضباب فيكى


بحلم ببكره تجيبى الفرح فى ايديكى


مش باقى ليا ... غير السكات


والدمع فى عينيه ......




عطا الاسيوطى

ليه ياحبيبتى .....

ليه ياحبيبتى ....



ليه ياحبيبتى ....


دالحزن ليله طويل


ليه ياحبيبتى ....


للفرح احلام كتير


اطردى الحزن اللى ساجنك


وف بحور الليل رماكى


داللحزن لون واحد


وللفرح الوان كتير


هاتى ايدك فى حضن ايدى


يجرى الدم فى وريدى


نمسح الدمع فى عينيك


ونزرع الفرح بحنان


تطلع الشمس فى ايديكى


تترسم بسمة شفايفك


زى احلام الولاد



عطا الاسيوطى

العيد ياماى جاى .......

العيد ياماى

العيد ياماى جاى ... وغناى بالحزن ناى

فى حضنك زمان رميت همومى وغنيت

البس توبى الجديد... واحس بيوم العيد

دلوقتى ياماى أغنى كلمات ...تشكيكى همى

والحان بالناى تقول ...كان فيه زمان رسول

يرمى الحزن اللى فيا ...ويقول كلام اغنيه

دلوقتى ياماى فين

اهرب من الحزن فين ...

الحضن كان زمان ...فيه اشعر بالأمان

ارمى هموم السنين ... ويا الحضن الآمين

دلوقتى ياماى الحضن ...مش أمان

ماعنتش أشعر بالحنان

الجاه كلام كتير متزوء من غير حنين

حضنك ياماى فين ...عايز أهرب من الآنين

اروح لقبرك كمان وكمان كتير الجانى حزين

اسأل عنك هناك

مالقاش ياماى جواب

الجى السكون هناك ..اصرخ واقول

فين ..الحضن اللى كان

الجاه كله حنان

فين ياماى الأمان ...فين ياماى الأمان

مش بشعر بالحنان

مش بشعر بالحنان

العيد ياماى جاى ...!!!

عطا الاسيوطى

قلبى فياض بالحب ...

قلبى فياض بالحب

كالخيل يجرى فوق الماء... فوق السحاب

ويمشى يهرول يتبخترفوق الماء

بالحب ... بمشى ... ويسير...

بالحب يرمى بذور الشوق ...للأرض

قلبى فياض بالحب ...

والشوق عنده يزيده شوق ...وراء شوق

عيناكى ... تعرفنى بالحب ...!!!

وانا ابحث عن عيناكى بين الدروب

اراهم امامى وورائى ... وفوقى

واسير معهم بالحب ... واجدهم حب

واتركهم حب ... واشتاقهم حب

قلبى فياض بالحب

الحب الذى جربت فيكى ...

هو حب وراء ه حب يزيدنى شوقا على شوق

وحنين ما بعده حنين ...

قلبى فياض بالحب

 

عطا الاسيوطى

هو الحب كلمه ....

هو الحب ... كلمه وبس

مش معقول ...

نفسى الاقى كلمه ومعنى

تحكى شوقى ...

تحكى فرحى ...

اهديهالك ...

تحكى معاكى ...احلى ايامى

سنينى فى حبك

كلمه تقولك احلى معانى

كلمه اعيش انا وياها

ويا حنينى ... انااغنيها

بس اقولك ...

مش كلمه وبس ...!!!

تحمل ليكى ...

احلى كلام ...

للحب معاكى...

واعيش انا بيها

نفسى اقولك

كلمه فقلبى

كلمه تحمل شوقى وحبى

ومش لاقيها ...!!!

اللى عارفها ...

يقوللى عليها ...

هى ايه ...

تقدر تقوللى ...

هى ايه ...؟

(عطا الاسيوطى )

سامحتك .......

سامحتك

جاى دلوقتى تقوللى سامحنى

بعد عذابى معاك ياجارحنى

قلبك فين ... حبك فين

ليه القسوه... ليه فى كلامك

دانا كنت حبيبك...

كنت طبيبك...

كنت فى لحظه ...تمللى فى ايدك

رد عليا ... قول وصارحنى

عايزنى اقولك روح وانسانى

روح ... وانسانى

بس بقولها من ورا قلبى

قسوة قلبك مش هانساها

بعد ما داب الحب معاها

اعمل ايه ماهو غصبن عنى

قلبك قاسى ... حبه حارمنى

بس اقولك قلبك ... ظالم

اصل انا شايل جرح فقلبى

قول مابدالك ... من اعذار

قول ... سمعنى

قول ياظالمنى

جاى دلوقتى تقوللى ...

سامحنى ...!!!

طيب ... روح ...

روح وسامحتك... من ورا قلبى

( عطا الاسيوطى

الحب فى مدينتى ....

ياسيدتى

هذا عصر الحب المقتول

وعصر الحقد وعصر السيف المشلول

نتقابل وبين ايدينا

حمامه وغصن الزيتون

ومن حولنا تقف الذئاب

تنتهز غفوة الحنين

يا سيدتى  

تنهمر الدماء من غمد السيف المسلول

فى جسد الحمامه

ويذبل غصن الزيتون

لاوقت لدينا للاحلام

فنصف الدنيا تزوير

والنصف الاخر يبقى حزين

ولليلى معشوق مهووس

ولعبله وحش مكسور

ولعطر الدنيا غصن مشطور

يبتاع الحب لقلب يتيم

ياسيدتى

فى زمن مسكين

الحب فى عالمنا

اصبح حلم الملايين

اصبح انشوده مكتوبه

على عود الياسمين

او اعلى السيف المسلول

مكتوب بدماء العشاق

فالنحيا العمر للحظات

ايام وشهور وسنوات

مكتوب فى كل الاوراق

للاشجار والازهار

ان الحب فى عالمنا دمار

يدمر ويحرق اجمل ازهار

ياسيدتى

الحب فى مدينتى حرام

فلتبقى نضره لتحيا كل الازهار

ياسيدتى

الحب فى مدينتى

حرام ... حرام

عطا الاسيوطى

وحشنى صوتك يالدعاء

وحشنى صوتك بالدعاء

وحشنى صوتك بالدعاء

وحشتنى ملامحكك

مرت سنين ...

وقلبى مليان حنين

لسه صورتك يامايا

فى عينى زى المرايا

لانسيت ياماى نبرة صوتك

ولاحتى حروف الكلام منك

ماعادت الروح زى زمان ياماى

باين على ولدك كبر

ولا الزمان هو اللى كبر

ماعدت فاكر من الدنيا شئ

الا همسك بالدعاء

لسه لابس توبى ياما

لسه بحن للمسه ايديكى

لساكى ياحنان السنين

وعمرى الجميل

عايشه جواى

ولساى وحيد ياماى

وبشكي ليكى وحدتى

عارفه ياماى

بلملم سنين عمرى

فى غربتى

وبمسح دموعى بهدمتى

لجل ماصبر نفسى

والملم حزن ايامى

وافتكر بس لحظة دعاكى

الضم حزن ايامى وحرمانى

واقول الاه بالامى

لساكى فى عيونى ياماى

انتى العمر اللى عدى

وانتى العمر اللى جاى

شايفه فى عيون ولدى ياماى

وحاسه فى بسمه بنتى ياماى

الله على العمر اللى باقى

فى لحظة عيونى معاكى

وقت ماتسرح فى دعاكى

ياماى لسه لابس توبى

لساى عايش بيكى وليكى

بدعى ربى يرحمك

وفى الجنه يخليكى

وحشنى صوتك ياماى

 

عطا الاسيوطى

عجيب ... حبـــــــــــــــك 1

عجيب حبك (1)

عجيب حبك ينسينى

بكل الحب احزانى

وأوهامى اعيش فيها

واجرى عليكى تنسانى

بحبك فوق كلام الناس

ومهما الناس قالوا عنى

دحبك جوه قلبى ماس

ومهما البعد يكوينى

احب عينيكى تطوينى

واقول يارب زدنى كمان

دنا مش قادر انساكى

ومهما البعد قسى الناس

انا برضوا بعيش بيكى

عجيب حبك فى ايامى

يخلينى غريب دارى

دنا وياكى بشتاقلك

دنهرك حنان يخلينى

اعيش احلى نهار ليلى

وافكر فيكى وانسانى

ودايما فكرى بيكى مشغول

مع الاحلام بيحلالى

عجيب حبك يطهرنى

بكل الحب توبنى

ويبعدنى عن العصيان

وذلاتى تنسانى

اناديكى فى كل زمان

وكل زمان اعيش بيكى

بحبك كل حين وآوان

بحبك حتى فى الموال

واحلى كلام اقولهولك

واشواقى تناديكى

بكل حروف اناديكى

وارسم عمرى ينسانى

واعيش وياكى فى زمانك

والقاكى ربيع عمرى

عشان حبك ربيع قلبى

دنا ارويه دموع عينى

واعيش وياكى اى زمان

واحيا معاكى من تانى

( عطا الاسيوطى

عجيب ... حبـــــــــــــك 2

عجيب حبك (2)

عجيب حبك ... يخلينى

أعيش وياكى من قلبى

أطير... وافرح باحساسى

وبكل مشاعرى ... أهواكى

اقول كلمه ... لأيامى ...

أحبك ... وأقولها من تانى

أعيش بيها فى افراحى

وأحزانى مهيش ليكى

وكل همومى تنادينى

تاخدنى لبحر اوهامى

بكل الحب القاها ...

اغيرها هنا وسرور

واطير وافرح فى دنياكى

واعيش وياكى فى الاحلام

واحلم بيكى وانا صاحى

دحبى كل يوم بيزيد

وقلبى مالوش حبيب تانى

والف وادور بعيد وياك

وأسال قلبى عنوانى

واقول واحكى لكل الناس

عن حبك انتى وعالاحساس

بحبك قبل كل كاس

يروينى عطش قلبى

دأسمك انتى حب كبير

وكل الناس بتتمناه

ربيع عمرى مع عمرك

وزهرة حبنا قلبك

اشوف فيكى شباب عمرى

وحبك شمستى وضلى

واهرب ليكى ليل ونهار

واحب اصحى على نورك

دشعرك ليلى وعيونك

بشوف فيهم قمر ليلى

واقول احب كل الناس

مدام حبك بيروينى

عجيب حبك ...!!!

( عطا الاسيوطى )

أقول احبـــــــــــــــك

اقول احبك

يانور الشمس ...وضوء القمر

ياشجرة توت تظللنى

يانسمه صيف تسهرنى لنور الصبح

ياروح الروح ... وعطر يفوح على قلبى

عبيرك ... كله حب وشوق

عشقتك ... زى نسمه صيف

بتعدى على قلبى...وتاخده بعيد

وتحلفله ... بكل الحب والاشواق

معاه ... بتعيش باقى عمره

والاشواق تكون ملكه

أقول ... احبك

وأقولها كمان ...ومش هاندم

فى حبك يوم

دانا واقف على بابك ...بقالى سنين

وبحلفلك ... وكلى حنين

وباكتبلك ...سنين سهران

وبرسملك ... نجوم الليل فى عيونك

ولون الليل ... يكون شعرك

وضوء الشمس تكون

بسمة شفايف وردك

يانسمه ... وبسمه ... وكلمه حلوه

يقولها القلب من جوه

أحبك ...اقولها كمان

وآلاف كتير من المرات

اقولهالك ...بحبك ومش نادم

واعيش العمر اقولهالك

بحبك وفى بعدك ...

قلبى كله ... هموم

يانبع الحب ... وآلامه

وصبر الشوق ... واوهامه

ودلوقتى ... اسيبك

والليل على قلبى طويل

وبشعلك ... عمرى كله شموع

تنورلك ...طريقك

يوم ما تتوه خطوتك ... عنى

ياصبرى عالمكتوب ...

وبغزلك ...شعرى شال

يدفيكى فى لحظه برد على قلبك

يانور ... على دربى

وقت ظلمه ليل بيهدينى

لنور الصبح مع حبك ...

(عطا الاسيوطى )

علمنى ... حبــــــــــــــــك

علمنى حبك

علمنى حبك..

ان امنح الحب كل الاحلام

ان اعشق ظلمة الليل وكل الاركان

علمنى حبك...ان اضحك ان ابكى مثل الصبيان

علمنى حبك...

ان اسهر واسهرحتى يطل الصبح على عينى مثل البركان

واظل اطوف بأحزانى كل الميادين

فى كل عصور الدنياعلمنى حبك...

ان اكون روميو..عنتر..وقيس

ان اكون كل الالحان

حبك كالسيل...يغرقنى ثم يجذبنى على بر امان

حبك يجعلنى عصفور...

ارحل واطير واحلق فى كل الازمان

علمنى حبك...

العصيان على قلبى

على عمرى عبر الاعوام

حبك...مدرسة للعشق

اسطورة لكل الازمان...

( عطا الاسيوطى )

عايز اعرف

عايز اعرف ...!

ليه الحزن بيسكن فيا

ليه الجرح فى قلبى كبير

كنت بحس بعمرى معاك

كنت بشوفك حلمى هناك

حتى دموعى معاك فى الفرحه

كنت بحسك فيهاوبفرحه

قلبى كان فرحان وياك

كل عمره معاك فى هواك

كنت بتخدع وانا عارف

كنت بتكدب وانا شايف

عايز اعرف

ليه الحب فى قلبك داب

ليه الجرح فى قلبى انا زاد

قولى الحب دا عندك ايه

قول سمعنى ... قول واحكيلى

حتى بكدبه قول وراضينى

هو الحب فى نظره وهمسه

وضحكه وكلمه من ورا قلبك

كنت بتخدع قلبى معاك

كنت بتسرق عمرى معاك

روح ياحبيبى فى قلبى هواك

بس اقولك ...!

مش راح احزن

بعد حياتى الحلوه معاك

عندى كفايه لعمرى معاك

مش راح احزن ...

دانا عمرى فداك...!

وعودى ليك

وعودى ليك

ادى وعودى ليك ...

كلها حققتهالك بين ايديك

فين وعودك ليا لما قلت انا مشتريك

فين كلامك ... فين سلامك

قوللى فين نظرة عينيك

قوللى فين لحظة حنانك

لما اكون انا بين ايديك

انت حاسس بغدر قلبك

انت عارف يعنى ايه قسوة حبايبك

اه ... ياقلبى ...داللى جرحك

اقرب الناس اليك

كان زمان يحلم معانا بعشنا

ويعيش معاك

كنت شوقه ... وغنوته ... وصرخه نداه

كنت فرحه ... ودمعته ... وجرحه ودواه

فاكر كلامى لما كنت بتسمعه فى لحظة لقاك

كنت بلمح شوق وحب فى نظرة عينيك

كنت بمسح دمعه تايه من عينيك

ليه القسوه ... ليه وانا بين ايديك

دانتا ... حب العمر ليك

كل ده ... راجع تقول سامحنى

ده مش كتير ...عليك

وبتقولها من قلبك ...

يا قلبك ... دنا مشتريك !!!!

( عطا الاسيوطى )

الضحكه فين راحت

الضحكه فين راحت

الضحكه فين راحت

والبسمه ليه تاهت

وليه الشمس غابت

مفضلش غير الليل قصادى

والنهار اصبح رمادى

طب ايه يادنيا ...ايه

القسوه كتيره ... ليه

دى وشوش غريبه وعجيبه

وكلام كتير مليان ريبه

ياغلبى ... يابا من دى الدار

دا الحلو فيها طعمه مرار

وكل ده وانا مش دارى

وانا كنت قاعد وفى حالى

ليه القلب الطيب ... ليه

يتنكرو كده منه ... ليه

قلب كبير وفحبه امين

زى الحكاوى ويا النيل

ياقلبى ليه مالك ياحبيب

آلمك محير 1000 طبيب

اه من القسوه ومن الدنيا

تقلب احوالك وف ثانيه

طب اعمل ايه مع دى الدنيا

وشوش كتير مش حلوه

والضحكه منى ليه راحت

وفى قلبى آلام ليه صاحت

والضحكه فين راحت ...

عطا الاسثيوطى

اعذرينى ....

اعذرينى ...

اعذرينى إن ظل قلبى ينبض بالحب بعد الرحيل

بعدما جاء الليل فى قلب النهار

ارحلى كما تشائين

كونى لحنا حزينا ونغما للحائرين

كونى سبيل للسائرين

وكونى عمرا لطفل يتيم

كونى زهرة حب جاءت فى نهاية صيف جميل

كونى بسمة

كونى نسمة

كونى همسة

وكونى ألم للسنين

ارحلى فالرحيل عندى... بدايةعمرى الحزين

اعذرينى

إن كان العمر قبلك

قد مات عندى من سنين

والآن يبدأ رحلة الحرمان

مع موت جديد

الرحيل بدأ...

وأخذ من عمرى سنين

والحب عذبه الأنين

اعذرينى

عطا الاسيوطى

غــــــــــــــــــــــــزه

غزه ...

غزه ....

يعنى غدر من جميع المجرمين

من رؤساء لمرؤسين

من حكام لمحكومين

هوه ده اول حروفها يامجرمين

غزه ....ز...زي كل مره ....

بنشجب وندين

وتصرخ أه ... أغيثونا يابنى أدمين

ونصرخ وراها ... كتييييير من سنين

ز.... زين عليكو ياحكام العرب ... زين

اقولهالكو فى أغنيه ... وموال حزين

زين عليكو ياحكامنا ....زين

واحنا وراكو .... بنقول آمين ....!!!!

غزه ... هى ... مربوطه فى رقابنا ليوم الدين

مزروعه فقلوبنا ... من سنين

حكامنا .... رؤساءنا ....!!!!

يعنى كلمة نشجب .... أو ندين

ياحكام العرب ... أقولهالكم ...

هى كلمة حاضر ... بنقولها ...متزوءه ....

بدماء الشهداء الموحدين

هى كلمه بنقولها ... واحنا متورطين

أه ... ياعرب ....أه

هو انتو نسيتو حطين ....!!!!

مين فيكو ... حفيد صلاح الدين

مين فيكو ... ماشى على خطى النبى الامين

غزه ....بتذبح ...بتضحى بأولادها من سنين

واحنا فين .... بنمد ايدينا ...

نشبكها فى ايادى المعتدين

وندين ..... ونشجب ... كتييييير وبعدها ...

نمد ايدينا ... ونمسح دموع ... المجروحين ...

بأيدينا المليانه ... بدماء الابرياء الموحدين

اه ... يا غزه ... اه

على جبين العرب ... مكتوب

خونه ... وعملا ... ومتورطين

صرخه ... حزينه جوانا ...تقول

هل منكم ...صلاح الدين ...

اه يا غزه ... بقولها وقلبى حزين

حسبنا الله ياغزه ... ونعم الوكيل